नाशिक (इंडिया दर्पण वृत्तसेवा)- सावरकरनगर भागात राहणा-या २२ वर्षीय युवकाने गळफास लावून घेत आत्महत्या केली. सदर युवकाच्या आत्महत्येचे कारण समजू शकले नाही. याबाबत गंगापूर पोलीस ठाण्यात मृत्यूची नोंद करण्यात आली आहे. पंकज वसंत जोशी (रा.पंचम सोसा.सावरकरनगर) असे मृत तरूणाचे नाव आहे. जोशी याने मंगळवारी (दि.२३) सकाळच्या सुमारास अज्ञात कारणातून आपल्या राहत्या घरात गळफास लावून घेतला होता. ही बाब निदर्शनास येताच कुटूंबियांनी त्यास बेशुध्द अवस्थेत श्री गुरूजी हॉस्पिलटल येथे दाखल केले असता वैद्यकीय सुत्रांनी तपासून मृत घोषीत केले. अधिक तपास हवालदार मोरे करीत आहेत.
पार्कींगच्या वादातून दोन कुटुंबियात हाणामारी
नाशिक (इंडिया दर्पण वृत्तसेवा)- इमारतीच्या पार्किंगच्या वादातून दोन कुटूंबियात हाणामारी झाल्याची घटना कुमावतनगर भागात घडली. या घटनेत महिलेचा विनयभंग करण्यात आला असून एक जण जखमी झाला आहे. याप्रकरणी पंचवटी पोलीस ठाण्यात परस्परविरोधी गुन्हे दाखल करण्यात आला आहे.
पोलीसांनी दिलेल्या माहितीनुसार पंचवटीतील कुमावत नगर भागात सोमवारी (दि.२०) ही घटना घडली. किरण पाटील यांनी दिलेल्या फिर्यादीत म्हटले आहे की, पाटील दांम्पत्य आपल्या सोसायटीच्या पार्किंगमध्ये उभे असतांना गुप्ता दाम्पत्यांनी त्यांच्याशी पार्किंगच्या वादातून शिवीगाळ व दमदाटी करून दगड फेकून मारला. या घटनेत पाटील जखमी झाले आहेत. तर पीडितेने दिलेल्या तक्रारीनुसार पाटील दांम्पत्याने पीडिता व तिच्या पतीस पार्किगच्या कारणातून वाद घातला. यावेळी पाटील यांनी महिलेचा विनयभंग केला. दोन्ही घटनांप्रकरणी पोलीस दप्तरी वेगवेगळे गुन्हे दाखल करण्यात आले असून अधिक तपास हवालदार शेळके व सहाय्यक निरीक्षक खैरणार करीत आहेत.
