नाशिक (इंडिया दर्पण वृत्तसेवा)- शहरात वेगवेगळया भागात पार्क केलेल्या तीन दुचाकी चोरीला गेल्या आहे. पहिली घटना नाशिकरोड येथे घडली. अनिल नंदराम परदेशी (रा.उर्दुशाळेसमोर,देवळाली कॅम्प) यांनी याबाबत फिर्याद दिली आहे. परदेशी सोमवारी (दि.२२) नाशिकरोड येथील मुक्तीधाम भागात गेले होते. कोंडाजी चिवडा दुकानासमोर त्यांनी आपली स्प्लेंडर एमएच १५ एपी ३६८९ पार्क केली असता ती चोरट्यांनी पळवून नेली. याप्रकरणी नाशिकरोड पोलीस ठाण्यात नोंद करण्यात आली असून अधिक तपास पोलीस नाईक दराडे करीत आहेत.
दुस-या घटनेत आडगाव शिवारातील अंकुश भिकाजी बंदरे (रा.वसंतदादानगर,मेडिकल फाटा) यांची स्प्लेंडर एमएच १५ एचटी २७८९ रविवारी (दि.२१) रात्री त्यांच्या घरासमोर पार्क केलेली असतांना ती चोरट्यांनी चोरून नेली. याबाबत आडगाव पोलीस ठाण्यात गुह्याची नोंद करण्यात आली असून अधिक तपास जमादार बस्ते करीत आहेत.
तिसरी घटना जेलरोड भागात घडली. अमोल रामदास दातीर (रा.आशिर्वाद निवास,गणपती मंदिराजवळ गणेशनगर) यांनी याबाबत तक्रार दिली आहे. दातीर यांची एमएच १५ बीके ५९२३ मोटारसायकल गेल्या शुक्रवारी (दि.१९) रात्री त्यांच्या घरसमोर पार्क केलेली असतांना ती चोरट्यांनी पळवून नेली. याबाबत नाशिकरोड पोलीस ठाण्यात नोंद करण्यात आली असून अधिक तपास पोलीस नाईक कुºहाडे करीत आहेत.
