नाशिक (इंडिया दर्पण वृत्तसेवा)- वाघाडी भागात घराच्या इमारतीजवळ पार्क केलेला पियाजो अॅपे टेम्पो समाजकंटकांनी पेटवून दिल्याची घटना घडली. या घटनेत टेम्पोचे मोठे नुकसान झाले असून, याप्रकरणी पंचवटी पोलीस ठाण्यात गुन्हा दाखल करण्यात आला आहे.
मंगेश सरजू वर्मा (रा.म्हाडा बिल्डींग,संजयनगर वाघाडी) यांनी याप्रकरणी तक्रार दाखल केली आहे. वर्मा यांचा पियाजो अॅपे तीन चाकी टेम्पो मंगळवारी (दि.२३) रात्री त्यांच्या इमारतीच्या बाजूला पार्क केलेला असतांना ही घटना घडली.
अज्ञात समाजकंटकाने आर्थिक नुकसान करण्याच्या हेतूने टेम्पोवर ज्वलनशिल पदार्थ टाकून पेटवून दिला. या घटनेत टेम्पोचे सुमारे २० हजाराचे नुकसान झाले असून अधिक तपास पोलीस नाईक काळे करीत आहेत.
