वंदना वेदपाठक, इंडिया दर्पण ऑनलाईन डेस्क
अयोध्येतील श्रीराम मंदिराचा प्राणप्रतिष्ठा सोहळा संपन्न झाल्यानंतर संपूर्ण देशात प्रचंड उत्साहाचे वातावरण आहे. या सोहळ्यानंतर प्रत्येकाला अयोध्येत जाण्याची ओढ लागली आहे. त्यामुळे विविध ट्रॅव्हल कंपन्या आपली योजना आखत आहे. तर काहींनी ती जाहीर केली आहे. स्पाईसजेट या एअरलाईन कंपनीने तर आपल्या ग्राहकांना आकर्षित करण्यासाठी एक ऑफर आणली आहे. स्पाईसजेटने आपल्या ग्राहकांसाठी स्वस्त उड्डाणं जाहीर केली आहेत. देशातील विविध शहरांमधून ही विमानसेवा सुरू करण्यात येणार आहे.
स्पाइसजेटही फक्त १६२२ रुपयांमध्ये मध्ये नॉन-स्टॉप फ्लाइट बुक करू शकता. याव्यतिरिक्त, स्पाइसजेटच्या वेबसाइटनुसार, तुम्ही फ्री डेट चेंज ऑफरसह तुम्ही प्रवासाची तारीख सहजपणे बदलू शकता. परंतु यासाठी काही अटींची पूर्तता करावी लागणार आहे.
यासोबतच स्पाईसजेट १ फेब्रुवारी २०२४ पासून अयोध्येला इतर अनेक शहरांशी जोडण्याचा प्रयत्न करत आहे. चेन्नई, अहमदाबाद, दिल्ली, मुंबई, बेंगळुरू, जयपूर, पाटणा आणि दरभंगा येथून अयोध्येसाठी उड्डाणं सुरू केली जातील.
बुकिंग पिरिअड – २२ ते २८ जानेवारी २०२४
ट्रॅव्हल पिरिअड – २२ जानेवारी ते ३० सप्टेंबर २०२४
नियम आणि अटी
-विक्री ऑफर २२ जानेवारी २०२४ (0001 HRS) – २८ जानेवारी २०२४ (2359HRS) पर्यंत उपलब्ध असेल.
ही ऑफर फक्त २२ जानेवारी २०२४ ते ३० सप्टेंबर २०२४ या प्रवास कालावधीसाठी वैध आहे.
-विक्री ऑफर केवळ निवडक देशांतर्गत आणि आंतरराष्ट्रीय, थेट एका बाजूच्या फ्लाइटवर उपलब्ध आहे.
-या ऑफर अंतर्गत, प्रथम येणाऱ्यास प्राधान्य या तत्त्वावर मर्यादित जागा उपलब्ध आहेत.
