इंडिया दर्पण ऑनलाईन डेस्क
मेक्सिकोः अयोध्येत श्रीराम मंदिर प्राणप्रतिष्ठा सोहळा होत असतांना दुसरीकडे रविवारी मेक्सिकोमध्ये पहिल्याच राम मंदिराचे प्राणप्रतिष्ठा सोहळा संपन्न झाला. अमेरिका येथील पंडिताने श्रीरामाची प्राणप्रतिष्ठा पूजा केली. मंदिराच्या लोकार्पणाच्या वेळी मेक्सिकोमधील बहुसंख्य भारतीय नागरिक उपस्थित होते. पूजा-आरती केल्यानंतर रामनामाचा जप करण्यात आला.
मेक्सिकोमधील भारतीय दूतावासाच्या एक्स (ट्विटर) हँडलवरून या सोहळ्याचे फोटो आणि व्हिडिओ शेअर करण्यात आले आहेत. रविवारी सायंकाळी हा सोहळा पार पडला. मेक्सिकोमधील क्युरेटारो या शहरात हे राम मंदिर बांधण्यात आले आहे. विशेष म्हणजे, मेक्सिकोतील हनुमानाचे पहिले मंदिरही याच शहरात आहे. या सोहळ्याला मेक्सिकन नागरिक मोठ्या संख्येने उपस्थित होते.
मेक्सिकोतील या मंदिरात श्रीराम, लक्ष्मण आणि सीता मातेच्या मूर्ती स्थापन करण्यात आल्या आहेत. या मूर्ती भारतातून तेथे पाठवण्यात आल्या आहेत.
