नाशिक (इंडिया दर्पण वृत्तसेवा) – पेठेनगर परिसरातील चार्वाक चौक भागात भरधाव दुचाकीने दिलेल्या धडकेत ३७ वर्षीय व्यक्तीचा मृत्यू झाला. याप्रकरणी इंदिरानगर पोलिस ठाण्यात अपघाताची नोंद करण्यात आली आहे.
हनुमंत महादेव गोडसे (रा.पेमगिरी ता.संगमनेर अ.नगर) असे मृत व्यक्तीचे नाव आहे. गोडसे गेल्या शनिवारी (दि.१३) पेठेनगर येथील चार्वाक चौक भागातून रस्त्याने पायी जात असतांना हा अपघात झाला होता. पाठीमागून भरधाव आलेल्या अज्ञात दुचाकीने धडक दिल्याने ते गंभीर जखमी झाले होते. रूग्णालयात उपचार सुरू असतांना त्यांचा मृत्यू झाला.
याबाबत अंमलदार शिर्के यांनी दिलेल्या फिर्यादीवरून गुन्ह्याची नोंद करण्यात आली असून अधिक तपास हवालदार जाधव करीत आहेत.
