सिन्नर (इंडिया दर्पण वृत्तसेवा) – सिन्नर जवळ असलेल्या वडगाव-पिंगळा येथील चित्रकार प्रदीप शिंदे या कलाकाराने प्रभू श्रीरामाच्या प्राणप्रतिष्ठा सोहळ्या निमित्ताने पिंपळ पानावर श्रीरामाचे चित्र कोरत आपली कला साकारली आहे.
अयोध्येत प्रभू श्रीरामाची मूर्ती स्थापनेचा सोहळा पार पडत असून देशभर त्याचा उत्साह बघायला मिळतो आहे. त्या निमित्ताने अनेक कलाकार आपल्या पध्दतीने आपली कला साकारत आहे. चांदवड तालुक्यातील एका कलाशिक्षकाने बोरांचा वापर करुन रामाचे चित्र साकारले. त्यानंतर सिन्नर तालुक्यातील ही कलाकृती समोर आली आहे.
