मालेगाव (इंडिया दर्पण वृत्तसेवा) – येथे धूम स्टाईलने मोबाईल चोर-याला पाच चोरांना छावणी पोलिसांनी गजाआड केले. त्यांच्याकडून तीन दुचाकी सह १६ मोबाईल हस्तगत केले. गेल्या काही दिवसांपासून या चोरट्यांनी धुमाकूळ घातला होता. त्यानंतर पोलिसांनी यांना पकडण्यासाठी मिशन हाती घेतले व चोरटे पोलिसांच्या जाळयात सापडले.
याबाबत समजेलेली माहिती अशी की, शहरात धूम स्टाईलने दुचाकी वरुन येत मोबाईल हिसकावून पोबारा करणारी टोळी सक्रीय होती. त्यामुळे पोलिसांसमोर मोबाईल चोरट्यांना पकडण्याचे मोठ आव्हान उभे ठाकले होते. छावणी पोलिसांनी मोबाईल चोरट्यांना पकडण्याचे मिशन हाती घेत अवघ्या काही तासाच तीन दुचाकी सह १६ मोबाईल जप्त करत करुन पाच जणांच्या टोळीला ताब्यात घेत कारवाई केली आहे.
धूम स्टाईलने येत मोबाईल चोरीच्या तीन घटना एकाच वेळी दाखल झाल्याने पोलिस ही सक्रीय झाले. त्यांनी काही तासातच या मोबाईल चोरट्यांना ताब्यात घेत १६ मोबाईल सह तीन दुचाकी जप्त केल्याने अन्य पोलिस ठाण्यात अशी मोहिम राबवावी अशी मागणी होत आहे.
