नाशिक (इंडिया दर्पण वृत्तसेवा)- शहरात वेगवेगळया भागातून दोन दुचाकी चोरील गेल्याच्या घटना घडल्या आहे. याप्रकरणी गंगापूर आणि अंबड पोलीस ठाण्यात नोंदी करण्यात आल्या आहेत.
पहिली घटना पांडवनगरी भागात घडली. चंद्रशेखर माथणीकर (रा.राधासोनानगर,पांडवनगरी) यांनी याबाबत फिर्याद दिली आहे. माथणीकर यांची पल्सर एमएच ४० एवाय २३०८ सोमवारी रात्री त्याच्या घराच्या पार्किंगमध्ये लावलेली असतांना ती चोरट्यांनी पळवून नेली. याबाबत अंबड पोलीस ठाण्यात गुह्याची नोंद करण्यात आली असून अधिक तपास हवालदार सानप करीत आहेत.
दुसरी घटना सीटी सेंटर मॉल जवळ घडली. नाशिक पुणे मार्गावरील चेहडी शिव भागात राहणारे सोमनाथ जगन्नाथ ताजनपूरे (रा.गायत्रीनगर) हे शनिवारी (दि.१३) सीटी सेंटर मॉल येथे गेले होते. मॉलच्या पाठीमागील पार्किंगमध्ये लावलेली त्यांची स्प्लेंडर एमएच १५ ईटी ८४९५ चोरट्यांनी चोरून नेली. याबाबत गंगापूर पोलीस ठाण्यात गुन्हा दाखल करण्यात आला असून अधिक तपास पोलीस नाईक मोरे करीत आहेत.
