नाशिक (इंडिया दर्पण वृत्तसेवा) – मुंबई- आग्रा महामार्गावर खडक जांब गावाजवळील सगुणा कंपनी समोर एसटी महामंडळाची बस व ट्रॅक्टर यांच्यामध्ये अपघात झाला. या अपघातात दोन जण जखमी झाले आहे. दुपारी २ वाजता ही घटना घडली.
या अपघातात रमेश जानु वाघमारे (२६) रा. तताणी ता. कळवण व मोनाली युवराज केदारे (२८) रा. मटाणे ता. देवळा हे जखमी झाले आहे. MH 14 KO 0246 हा एसटी महामंडळाची बसचा क्रमांक आहे.
या अपघाताची माहिती मिळताच शिरवाडे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची रुग्णवाहिका लगेचच अपघात स्थळी पोहोचली. त्यानंतर जखमींना पिंपळगाव येथे रुग्णालयात दाखल करण्यात आले.
