रिलायन्स जिओने प्रजासत्ताक दिना निमित्त दिली ही मोठी ऑफर…या तारखेपर्यंत राहणार सुरु

इंडिया दर्पण ऑनलाईन डेस्क
रिलायन्स जिओने आपल्या विद्यमान आणि नवीन ग्राहकांसाठी प्रजासत्ताक दिनाची ऑफर आणली आहे. ऑफर अंतर्गत २९९९ रुपयांचा रिचार्ज केल्यावर ग्राहकाला ३ हजार रुपयांपेक्षा जास्त किमतीचे कूपन मिळतील. ही कूपन खरेदी, प्रवास आणि खाद्यपदार्थांची बिले भरण्यासाठी वापरली जाऊ शकतात. ग्राहकाने जिओचा प्लॅन रिचार्ज केल्यावर लगेचच त्याला मिळणारे कूपन माय जिओ अॅपमध्ये दिसू लागतील. या ऑफरचा लाभ ३१ जानेवारीपर्यंतच घेता येईल.

शॉपिंग केल्यास ग्राहकाला रिलायन्सच्या आजिओ अॅपवरून २४९९ रुपयांच्या किमान खरेदीवर ५०० रुपयांची सूट मिळेल. तसेच, ग्राहकांना तिरा मधून सौंदर्य उत्पादने खरेदी करण्यावर ३० टक्के सूट मिळेल जी कमाल १००० रुपयांपर्यंत असू शकते. रिलायन्स डिजिटल वरून किमान रु ५००० च्या खरेदीवर १० टक्के सवलत मिळेल, रिलायन्स डिजिटल वर कमाल सवलत मर्यादा १० हजार पर्यंत मर्यादित आहे.

प्रवास: तुम्हाला ixigo द्वारे हवाई तिकीट बुक करण्यावर रु. १५०० पर्यंत सूट मिळेल. एका प्रवासी तिकिटावर ५०० रुपये, २ प्रवाशांना १००० रुपये आणि ३ प्रवाशांसाठी १५०० रुपये सवलत निश्चित करण्यात आली आहे. खाद्यप्रेमींना स्विगी अॅपद्वारे खाद्यपदार्थ बुक करून १२५ रुपयांपर्यंत सूट मिळू शकते. पण ऑर्डर किमान २९९ रुपये असावी. अधिक कूपन जिंकण्यासाठी ग्राहक त्याच्या नंबरवर हवे तितके रिचार्ज करू शकतो. या ऑफर अंतर्गत जिंकलेली कूपन दुसऱ्या जिओ नंबरवर ट्रान्सफर करता येणार नाही. तथापि, कूपन मित्र, कुटुंबासोबत शेअर केले जाऊ शकतात.