वंदना वेदपाठक, इंडिया दर्पण वृत्तसेवा
स्वप्निल जोशी आणि मुक्ता बर्वे ही लोकप्रिय जोडी प्रेक्षकांच्या नेहमीच आवडीची आहे. त्यांना पुन्हा पुन्हा एकत्र पाहण्यासाठी चाहते खूपच उत्सुक असतात. मुक्ता आणि स्वप्निल ने आजपर्यंत मुंबई पुणे मुंबई या चित्रपटाच्या तीनही भागात एकत्र काम केलंय .तसेच दोघांनी एका लग्नाची दुसरी गोष्ट ही मालिका आणि काही नाटकांमध्येही एकत्र काम केलेले आहे.
दोघांनीही ज्या ज्या प्रोजेक्टमध्ये एकत्र काम केलं ते खूपच लोकप्रिय ठरले. आता स्वप्निल आणि मुक्ताने चाहत्यांना मकर संक्रांतीच्या शुभेच्छा देत लवकरच मोठी घोषणा करणार असल्याचे सांगितलं होते. आता याचा खुलासा झालेला आहे की, दोघे कोणत्या चित्रपटात एकत्र काम करणार आहेत. हे दोघेही लवकरच ‘नाच गं घुमा’ या चित्रपटात एकत्र दिसणार आहेत .या चित्रपटाच्या शूटिंगला ही सुरुवात झाली आहे . याचं दिग्दर्शन परेश मोकाशी यांनी केलं आहे.
चित्रपटात स्वप्निल- मुक्तासह नम्रता संभेराव, सुकन्या मोने ,सुप्रिया पाठारे, शर्मिष्ठा राऊत आणि आशा ज्ञाते या अभिनेत्री सुद्धा मुख्य भूमिकेत असणार आहेत.
