सोलापूर (इंडिया दर्पण वृत्तसेवा) – येथील सिद्धेश्वर तलावाकाठी पार पडलेल्या अक्षता सोहळ्याला उपस्थित राष्ट्रवादीचे आमदार रोहित पवार हे उपस्थितीत राहिले. यावेळी त्यांनी पांढराशुभ्र बाराबंदीचा पारंपारिक पोशाख परिधान केला होता. या यात्रेसाठी लाखोंच्या संख्येने आलेल्या भाविकांच्या उपस्थितीत हा दिमाखदार सोहळा पार पडला.
तब्बल नऊशे वर्षांची मोठी परंपरा असलेल्या सोलापूरचे ग्रामदैवत श्री.सिद्धेश्वर यात्रेनिमित्त आज सिद्धेश्वर तलावाकाठी पार पडलेल्या अक्षता सोहळ्याला उपस्थित राहिले. यावेळी त्यांचा पारंपारिक पोशाख सर्वांचे लक्ष वेधून घेत होते. या यात्रेसाठी लाखोंच्या संख्येने आलेल्या भाविकांमध्ये रोहित पवार यांच्या ड्रेसची चर्चा रंगली.
या सोहळ्याला माजी केंद्रीय गृहमंत्री सुशीलकुमार शिंदे साहेब, मा.आमदार दिलीपजी माने, मा.आमदार सिद्धरामजी म्हेत्रे, श्री सिद्धेश्वर देवस्थान समितीचे अध्यक्ष धर्मराजजी कडादी यांच्यासह स्थानिक नागरिक, कार्यकर्ते, पदाधिकारी व भाविक मोठ्या संख्येने उपस्थित होते.
