नाशिक (इंडिया दर्पण वृत्तसेवा) – संभाजीनगर रोडवरील भरधाव चारचाकीच्या धडकेत ६१ वर्षीय वृध्द ठार झाल्याची घटना घडली. हा अपघात संतोष टी पॉईंट भागात झाला. याप्रकरणी पंचवटी पोलिस ठाण्यात अपघाताची नोंद करण्यात आली आहे.
प्रविण रामदास विधाते (रा.स्वामी समर्थ केंद्राजवळ,शिवकृपानगर हिरावाडी) असे मृत वृध्दाचे नाव आहे. विधाते शुक्रवारी (दि.१२) संतोष टी पॉईंट भागात गेले होते. रात्रीच्या सुमारास ते संभाजीनगर मार्ग ओलांडत असतांना हा अपघात झाला.
हलदी लॉन्स समोर ते रस्ता ओलांडत असतांना भरधाव अज्ञात चारचाकीने त्यांना धडक दिली होती. त्यात त्यांचा मृत्यू झाला. याबाबत हवालदार घुगे यांनी दिलेल्या फिर्यादीवरून गुन्ह्याची नोंद करण्यात आली असून अधिक तपास हवालदार घुगे करीत आहेत.
