इंडिया दर्पण ऑनलाईन डेस्क
अहमदनगरः देवस्थानामध्ये वाढणारी गर्दी व त्यातून होणारे वाद हे नवीन नाही. पण, कधी कधी हे वाद टोकापर्यंत जातात व त्यातून एखादी घटना होते. अशीच एक घटना शनिशिंगणापूर येथील देवस्थान येथे झाली. येथील सुरक्षा रक्षकावर थेट जीवघेणा हल्ला करण्यात आला. या हल्ल्यात शनिशिंगणापूर देवस्थानचे सुरक्षारक्षक संदीप दरंदले हे गंभीर जखमी झाले. खरं तर वादाचे कारण काय होते तर गाडी पार्किंग. ही गाडी पार्कींगमध्ये उभी करण्यास सांगितल्याने गाडीचालकाला राग आला. त्यानंतर त्याने धारदार शस्त्राने दरंदले यांच्या डोक्यावर वार केला व फरार झाला.
या घटनेनंतर शनिशिंगणापूर येथे वातावरण चांगलेच तापले आहे. देवस्थानमध्ये काम करणा-या कामगारांनी काम बंद आंदोलनाचा इशारा दिला. दरम्यान, संदीप यांच्यावर जिल्हा रुग्णालयात उपचार सुरू आहेत. संदीप यांच्या डोक्याला गंभीर दुखापत झाली. हा हल्ला एका एजंटने सुरक्षा रक्षकावर हल्ला केल्याचे समजते.
या घटनेनंतर मंदिर प्रशासनाने कठोर भूमिका घेण्याची मागणी होत आहे. एकुणच देवस्थानच्या ठिकाणी असे वाद होऊ नये यासाठी सर्वांनीच काळजी घेतली पाहिजे. पण, तसे होत नाही व वाद कधी कधी टोक गाठते.
