नाशिक (इंडिया दर्पण वृत्तसेवा)- बिटको परिसरात भरधाव अज्ञात वाहनाने दिलेल्या धडकेत ६० वर्षीय पादचारी ठार झाला. याप्रकरणी नाशिकरोड पोलिस ठाण्यात अपघाताची नोंद करण्यात आली आहे. पोलीसांनी दिलेल्या माहितीनुसार बापूराव जाधव असे मृत वृध्दाचे नाव आहे.
जाधव गुरूवारी (दि.११) सायंकाळच्या सुमारास बिटको सिग्नल परिसरातील रस्त्याने पायी जात असतांना कॉलिटी स्वीट दुकानासमोर अज्ञात वाहनाने त्यांना जोरदार धडक दिली होती. या अपघातात ते गंभीर जखमी झाल्याने समाजसेवक देविदास कासार यांनी बिटको हॉस्पिटल मार्फेत जिल्हारूग्णालयात दाखल केले असता शुक्रवारी उपचार सुरू असतांना वैद्यकीय सुत्रांनी त्यांना मृत घोषीत केले. अधिक तपास हवालदार दराडे करीत आहेत.
