इंडिया दर्पण ऑनलाईन डेस्क
छत्रपती संभाजीनगरः रांजणगाव शेणपुंजी येथील तलावात बुडून चार मुलांचा मृत्यू झाला आहे. अग्निशमन दलाच्या जवानांनी पाण्यात बुडालेल्या चारही मुलांचे मृतदेह बाहेर काढून घाटी रुग्णालयात पाठवले आहेत.
विश्वजीत सुखदेव उपाध्याय (वय १२), अफरोज जावेद शेख (वय १२), जावेद शेख (वय १४ वर्षे), अबरार जावेद शेख (वय १२) अशी या मुलांची नावे आहेत.
वाळुंज परिसरात असलेल्या तलावात काही मुले पोहण्यासाठी गेली होती; मात्र पाण्याचा अंदाज न आल्याने ती बुडाली. तहसीलदार, स्थानिक नागरिकांसह पोलिसांनी घटनास्थळी धाव घेतली.
अग्निशमन दलाला कळ‍वण्यात आले. अग्निशमन दलाने तलावात बुडालेल्या चारही मुलांना बाहेर काढले; मात्र त्यांचा मृत्यू झाला. या मुलांचे मृतदेह शवविच्छेदनासाठी पाठवण्यात आले.
गुरुवारी दुपारी दोन वाजण्याच्या सुमारास ही मुले खेळण्यासाठी घराबाहेर गेली होती; मात्र ती परतली नाहीत. त्यामुळे नातेवाइकांनी त्यांचा शोध घेतला. मुले सापडत नाहीत, म्हणून काही नातेवाइक तलावाजवळ पोहचले. त्यांना तलावालगत मुलांचे कपडे दिसले. मुले तलावात बुडाल्याचा संशय आल्याने नातेवाइकांनी या घटनेची माहिती वाळुंज अग्निशमन विभाग, एमआयडीसी वाळुंज पोलिस घटनास्थळी धाव घेतली. अग्निशमन दलानी मुलांचे मृतदेह शोधून काढले.
