नाशिक (इंडिया दर्पण वृत्तसेवा) – शहरात होणाऱ्या २७ व्या राष्ट्रीय युवा महोत्सवासाठी जिल्हा प्रशासनाने युद्ध पातळीवर तयारी सुरू केली आहे. प्रधानमंत्री नरेंद्र मोदी यांच्या हस्ते १२ जानेवारी रोजी राष्ट्रीय युवा महोत्सवाचे उद्घाटन करण्यात येणार आहे. राष्ट्रीय युवा महोत्सवासाठी पंतप्रधान नरेंद्र मोदी येणार असल्याने पोलिसांचा कडक बंदोबस्त तैनात करण्यात आला आहे.
नाशिक – छत्रपती संभाजीनगर महामार्गावरील निलगिरी बाग मैदानात हेलिपॅड तयार करण्यात आले आहे. या ठिकाणी पंतप्रधान नरेंद्र मोदी यांचे आगमन होणार असून येथून ते तपोवन मैदानापर्यंत पंतप्रधान नरेंद्र मोदींचा रोड शो होणार आहे. त्यानंतर पंतप्रधान नरेंद्र मोदी यांच्या हस्ते राष्ट्रीय युवा महोत्सवाचे उदघाटन करण्यात येणार आहे. यावेळी पंतप्रधान मोदी युवकांशी संवाद साधणार आहेत. नाशिक – छत्रपती संभाजीनगर महामार्गावरील निलगिरी बाग ते तपोवन मैदानापर्यंत पोलिसांचा बंदोबस्त तैनात करण्यात आला आहे.
त्याचप्रमाणे या महोत्सवासाठी वाहतूक मार्गात बदल करण्यात आला असून काही मार्गावर प्रवेश बंदी केली आहे. त्याचप्रमाणे पर्यायी मार्ग सुध्दा देण्यात आल्या आहे. या पोलिसा उप आयुक्त (वाहतूक) चंद्रकांत खांडवी यांनी अधिकसूचना काढली असून ती बघा….
