वंदना वेदपाठक, इंडिया दर्पण वृत्तसेवा
विश्वसुंदरी आणि बॉलीवूड अभिनेत्री सुष्मिता सेनचा ‘आर्या- 3’ वेब सिरीज चा टीझर नुकताच रिलीज झाला आहे. आर्याची ही तिसरी सिरीज असून ती तितकीच दमदार आहे. ओटीटी प्लॅटफॉर्म वरती लवकरच आर्या- 3 धुमाकूळ घालण्यासाठी सज्ज आहे.
सुश्मिताच्या आर्या आणि आर्या- टू या वेब सिरीजने प्रेक्षकांची मने जिंकली आहेतच. आता आर्या- 3 काय धमाका करतो हे पाहणे उत्सुकतेचे असेल. टीझर मध्ये सुष्मिता सेन तलवार घेऊन लढताना दिसते आणि यामध्येच पहिल्या आणि दुसऱ्या भागाची झलक देखील पाहायला मिळते.
बहुप्रतीक्षीत आर्या -3 ही वेब सिरीज ९ फेब्रुवारी २०२४ रोजी प्रेक्षकांच्या भेटीस येत आहे. राम माधवानी आणि संदीप मोदी यांनी या सिरीजचं दिग्दर्शन आणि निर्मिती केली आहे. यामध्ये सुष्मिता सह इला अरुण, सिकंदर खेर, इंद्रनील सिंग गुप्ता, विकास कुमार, गीतांजली कुलकर्णी यांच्याही महत्वाच्या भूमिका आहेत.
