नाशिक (इंडिया दर्पण वृत्तसेवा) – मुंबई – आग्रा महामार्गावर आज पहाटे पिकअप पलटी झाल्याची घटना घडली. या अपघातात दोन जण जखमी झाले आहे. नाशिककडून मुंबईकडे पिकअपक जात असतांना चालकाचे नियंत्रण सुटल्याने ती पलटी झाली.
हा अपघात गोंदे लियर कंपनी जवळ झाला. या अपघातात लकी राठोड (१८), ईसाल जेटगार (२५) इंदूर हे दोन जण जखमी झाले आहे. या अपघातातील पलटी झालेल्या पिकअपचा क्रमांक MH.46.ZB.5204 हा आहे.
या घटनेची माहिती मिळताच, गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत रुग्णवाहिका लगेचच अपघात स्थळी पोहोचली. त्यानंतर जखमींना तात्काळ नातेवाईकांच्या सांगण्यावरून वाडीव-हे येथील खासगी रुग्णालयात दाखल करण्यात आले.
