नाशिक (इंडिया दर्पण वृत्तसेवा)- शहर परिसरात आत्महत्येची मालिका सुरूच असून रविवारी (दि.७) वेगवेगळया भागात राहणा-या दोघांनी गळफास लावून घेत आपले जीवन संपविले. त्यात एका २८ वर्षीय युवकास ४५ वर्षीय इसमाचा समावेश आहे. दोघांच्याही आत्महत्येचे कारण समजू शकले नाही. याबाबत इंदिरानगर व उपनगर पोलिस ठाण्यात मृत्यूच्या नोंदी करण्यात आल्या आहेत.
विकास भरत कदम (२८ रा.पाणीनी सोसा.जायभावेनगर) या युवकाने रविवारी (दि.७) अज्ञात कारणातून आपल्या राहत्या घरातील किचन मध्ये छताच्या हुकाला दोरी बांधून गळफास लावून घेतला होता. त्यात त्याचा मृत्यू झाला. याबाबत गौरव मोरे यांनी दिलेल्या खबरीवरून इंदिरानगर पोलिस ठाण्यात मृत्यूची नोंद करण्यात आली असून अधिक तपास हवालदार गारले करीत आहेत.
दुसरी घटना जेलरोड भागात घडली. अर्जुन भिका गवळी (४५ रा.बर्वे चाळ,लोखंडे मळा अनुसयानगर) यांनी शनिवारी रात्री अज्ञात कारणातून आपल्या राहते घरातील हॉलमध्ये छताच्या कडीस साडी बांधून गळफास लावून घेतला होता. ही बाब निदर्शनास येताच भाऊ भिमराव गवळी यांनी त्यास तात्काळ जिल्हारूग्णालयात दाखल केले असता वैद्यकीय सुत्रांनी मृत घोषीत केले. याबाबत उपनगर पोलिस ठाण्यात मृत्यूची नोंद करण्यात आली असून अधिक तपास पोलिस नाईक हिवाळे करीत आहेत.
