नाशिक (इंडिया दर्पण वृत्तसेवा) – नाशिक मुंबई- आग्रा महामार्गावर वाडिव-हे फाट्याजवळ बुलेट व मोटर सायकलच्या अपघातात दोन जण गंभीर तर दोन जण किरकोळ जखमी झाले आहे. रात्री ८ वाजता वाडिव-हे कडून नाशिक कडे जाणा-या दोन दुचाकी वाहनात हा अपघात झाला. ओमकार ढाब्याजवळ बुलेट व मोटरसायकल एकमेकांना धडकल्या. त्यात दोन्ही मोटर सायकल वरचे दोघे जण गंभीर तर दोन जण किरकोळ जखमी झाले.
या अपघातात राजकुमार करमदेव सिंग (४२) रा. दत्तनगर नाशिक, नुसाद खान (३८) रा. सातपुर नाशिक, काळु धोंडीराम जमधडे (४५), तुकाराम धोंडीराम जमधडे (३०) रा. आवळी ता इगतपुरी हे जखमी झाले आहे.या अपघातातील बुलेट मो सा क्रं MH.15.GA.4441 व दुस-या मोटर सायकलाच क्रमांक MH.15.HK.4066 हा आहे.
या अपघाताची माहिती मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत रुग्णवाहिका लगेचच अपघात स्थळी पोहचली. त्यानंतर जखमींना तात्काळ नातेवाईकांच्या सांगण्यावरून वाडीव-हे येथील खासगी हॅास्पिटलमध्ये दाखल करण्यात आले.
