नाशिक (इंडिया दर्पण वृत्तसेवा) – नाशिक- मुंबई- आग्रा महामार्गावर मुंढेगाव फाटयावर टेंपोच्या धडकेत एक जण जखमी झाल्याची घटना घडली. सकाळी साडेनऊ वाजता नाशिककडून मुंबईकडे जाणा-या टेंपोने रोड क्रासिंग करणा-या एका वयोवृद्धांला जोरदार धडक दिली. या धडकेत वृध्द जखमी झाला.
या अपघातात भाऊसाहेब पांडुरंग लोहकरे (७१) रा. घोटी या इगतपुरी हे जखमींचे नाव आहे. ज्या टेंपोने धडक दिली त्या टेंपोचा क्रं MH.04.LQ.4185 हा आहे.
या अपघाताची माहिती मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत रुग्णवाहिका लगेचच अपघात स्थळी पोहोचली. त्यानंतर जखमीं वृध्दाला घोटी ग्रामीण रुग्णालयात दाखल करण्यात आले आहे.
