इंडिया दर्पण ऑनलाईन डेस्क
रोहित पवार यांच्या आरोपांना उत्तर देताना उपमुख्यमंत्री अजित पवार यांनी रोहित पवार बच्चा आहे अशी टीका करत त्याच्या प्रश्नाला मी उत्तरे द्यावी एवढा काय तो मोठा झालेला नाही. माझे कार्यकर्ते, प्रवक्ते उत्तर देतील, अशी खोचक प्रतिक्रिया दिली. त्यांच्या या टीकेला रोहित पवार यांनी ट्विटरवर बच्चा है पर मन का सच्चा है अशी पोस्ट करुन हे गाणेही त्याबरोबर टाकले.
पोस्ट केलेले हे जुने गाणे बरंच काही सांगून जाणारे आहे..त्यामुळे त्यांची ही पोस्ट चांगलीच व्हायरल होत आहे. बच्चा है पर मन का सच्चा है…दिल है साफ, नफरत से है दूर असे हे बोल फार न बोलता बरंच काही सांगून जाणारे आहे.
शुक्रवारी रोहित पवार यांच्या बारामती अॅग्रो कंपनीवर ईडीने छापे टाकले. त्यानंतर रोहित पवार यांनी शनिवारी पत्रकार परिषद घेत स्पष्टीकरण दिले. त्यात त्यांनी गेल्या सात दिवसात दिल्लीत कोण गेलं होतं? भाजपचं कोण गेलं होतं? आणि अजितदादा मित्र मंडळाचं कोण दिल्लीत गेलं होतं? त्यावरून या छापेमारी मागच्या काही गोष्टी समजून येईल असे सांगत अजित पवार यांच्याकडे थेट बोट केले होते. त्यानतंर अजित पवारांना प्रश्न विचारल्यानंतर त्यांनी रोहित पवारांना बच्चा आहे असे सांगत प्रतिक्रिया दिली. त्याला नंतर रोहित पवार यांनी अशी प्रत्त्युतर दिले.
