नाशिक (इंडिया दर्पण वृत्तसेवा) – देवळा-कळवण रस्त्यावर एसटी बसचा टायर फुटल्यामुळे भीषण अपघात रात्रीच्या सुमारास झाला. या अपघातात बस रस्त्यावरील चिंचेच्या झाडावर जाऊन आदळली.
या बस मधील १५ प्रवाशी जखमी झाल्याची प्राथमिक माहिती आली आहे. यातील काही प्रवाशांना खासगी तर काही प्रवाशांना देवळा येथील शासकयी रुग्णालयात उपचारासाठी दाखल करण्यात आले आहे.
कळवण येथून ही बस मालेगाव कडे जात होती. यात बसचा समोरील भागाचा मोठे नुकसान झाले आहे.
