नवी दिल्‍ली (इंडिया दर्पण वृत्तसेवा) – पंतप्रधान नरेंद्र मोदी यांनी आपले लक्षद्वीप येथील अनुभव सामायिक केले असून, तेथील लोकांनी केलेल्या आदरातिथ्याबद्दल त्यांचे आभार मानले आहेत.
आपल्या एक्स पोस्टमध्ये पंतप्रधानांनी म्हटले आहे “नुकतीच लक्षद्वीप मधील लोकांना भेटण्याची संधी मला लाभली.तेथील विस्मयकारक निसर्ग सौंदर्य आणि तेथील लोकांचा अतुलनीय जिव्हाळा पाहून थक्क झालो आहे. अगट्टी,बंगराम आणि कावारट्टी येथील लोकांशी संवाद साधण्याची संधी मिळाली. लक्षद्वीप बेटावरील लोकांनी केलेल्या आदरातिथ्याबद्दल मी त्यांचे आभार मानतो. तसेच तिथली क्षणचित्रे आणि विमानातून घेतलेली छायाचित्रे सामायिक करत आहे असे म्हटले.
तर दुस-या पोस्टमध्ये त्यांनी समुद्रातील काही फोटोही शेअर केले आहे. त्यात त्यांनी समुद्रकिनाऱ्यांवरील पहाटे चालणे देखील निखळ आनंदाचे क्षण होते असे म्हटले.
