नाशिक (इंडिया दर्पण वृत्तसेवा) – शहरात वेगवेगळया भागातून नुकत्याच चार दुचाकी चोरट्यांनी चोरून नेल्या. याप्रकरणी आडगाव, सरकारवाडा, उपनगर व इंदिरानगर पोलिस ठाण्यात गुन्हे दाखल करण्यात आले आहे.
पहिली घटना चेतनानगर भागात घडली. अक्षय गौतम भालेराव (रा.ओंकार अपा.कशीस हॉटेलमागे) यांनी याप्रकरणी तक्रार दाखल केली आहे. भालेराव यांची डिस्कव्हर दुचाकी एमएच १५ बी व्ही ५९१७ गेल्या ३१ डिसेंबरच्या रात्री त्यांच्या सोसायटीच्या पार्किंगमध्ये लावलेली असतांना ती चोरट्यांनी पळवून नेली. याबाबत इंदिरानगर पोलिस ठाण्यात गुह्याची नोंद करण्यात आली असून अधिक तपास हवालदार आव्हाड करीत आहेत.
दुसरी घटना नाशिकरोड येथील मुक्तीधाम भागात घडली. सुनिल मुरलीधर कदम (रा.हागवणे मळा,सौभाग्यनगर विहीतगाव) यांनी याबाबत फिर्याद दाखल केली आहे. कदम गेल्या शनिवारी (दि.३०) नाशिकरोड येथील मुक्तीधाम भागात गेले होते. स्टार मॉलच्या पाठिमागे त्यांनी आपली मोटारसायकल पार्क केली असता ती चोरट्यांनी पळवून नेली. याबाबत उपनगर पोलिस ठाण्यात गुह्याची नोंद करण्यात आली असून अधिक तपास जमादार माळोदे करीत आहेत.
तिस-या घटनेत पेठरोड भागातील अंगत राममिलन गुप्ता (रा.आरटीओ जवळ) हे गेल्या शनिवारी (दि.३०) विवाह सोहळयानिमित्त औरंगाबाद रोडवरील विजय लक्ष्मी लॉन्स येते गेले होते. पार्किंगमध्ये लावलेली त्यांची अ‍ॅक्टीव्हा एमएच १५ इएक्स ७४१७ चोरट्यांनी चोरून नेली. याप्रकरणी आडगाव पोलिस ठाण्यात गुह्याची नोंद करण्यात आली असून अधिक तपास हवालदार ढापणे करीत आहेत.
चौथी घटना अशोक स्तंभ भागात घडली. अश्लेषा बाळासाहेब शिंदे (रा.ध्रुवनगर) यांनी याप्रकरणी तक्रार दाखल केली आहे. शिंदे या गेल्या ६ डिसेंबर रोजी अशोकस्तंभ भागात गेल्या होत्या. अ‍ॅक्सीस बँकेच्या एटीएम परिसरात त्यांनी आपली अ‍ॅक्टीव्हा एमएच १५ डीबी १३४७ पार्क केली असता ती चोरट्यांनी चोरून नेली. याबाबत सरकारवाडा पोलिस ठाण्यात गुह्यााची नोंद करण्यात आली असून अधिक तपास पोलिस नाईक गायकवाड करीत आहेत.
