इंडिया दर्पण ऑनलाईन डेस्क
नाशिक – नाशिक जिल्हा टेनिस व्हॉलीबॉल असोसिएशनच्या वतीने रविवार दिनांक ८ ऑक्टोबर, २०२३ रोजी नाशिकच्या पंचवटी, हिरवाडी रोड येथील मीनाताई ठाकरे विभागीय क्रीडा संकुल येथे ज्यूनीयर आणि सब ज्यूनीयर या दोन गटांच्या मुलांच्या आणि मुलींच्या नाशिक जिल्हा अजिंक्यपद स्पर्धा आणि निवड चंचणीचे आयोजन करण्यात आले आहे.
ज्यूनीयर गटासाठी खेळाडूंची जन्म तारीख १ जानेवारी २००६ किंवा त्यानंतरची असावी तर सब ज्यूनीयर गटासाठी १ जानेवारी २००८ किंवा त्यानंतरची असावी. या स्पर्धेतील कामगीरीच्या आधारे खेळाडूंची नाशिक जिल्ह्याच्या संघामध्ये निवड करण्यात येणार आहे. हे निवड झालेले खेळाडू दिनांक १४ ते १६ ऑक्टोबर, २०२३ दरम्यान अहमदनगर येथे आयोजित महाराष्ट्र राज्य आंतर जिल्हा टेनिस व्हॉलीबॉल स्पर्धेमध्ये नाशिक जिल्ह्याचे प्रतिनिधित्व करतील.
या स्पर्धेत सहभागी होण्यासाठी खेळाडू, प्रशिक्षक यांनी किरण घोलप – मो.क्र. ९५४५५९१९४४, मनोज म्हस्के मो. क्र. ९७६४०८७०३३, बंडू जमदाडे मो. क्र. ९६८९४७८१४९, प्रज्वल पिंपळकर मो. क्र. ७७७०००१५३४, यांच्याशी संपर्क करावा.स्पर्धेत जास्तीत जास्त खेळाडूंनी सहभागी व्हावे असे अवाहन नाशिक जिल्हा टेनिस व्हॉलीबॉल असोसिएशनंच्या वतीने करण्यात येत आहे.
