नाशिक (इंडिया दर्पण वृत्तसेवा) – नाशिक मुंबई- आग्रा महामार्गार पाडळी फाट्याजवळ दोन मोटर सायकलच्या अपघातात एक जण गंभीर व एक जण किरकोळ जखमी झाल्याची घटना घडली. गुरुवारी सकाळी ९ वाजता हा अपघात झाला.
नाशिककडून मुंबईकडे जाणा-या दोन मोटर सायकलमध्ये रोड क्रासिंग करतांना जोरदार धडक झाली. त्यात मोटर सायकलवर बसलेला एक जण गंभीर जखमी झाला. तर एक जण किरकोळ जखमी झाला. भाऊसाहेब नामदेव बोराडे (४५) रा. मुकणे ता.इगतपुरी व ओम दिगंबर आव्हाड (३२) रा. पंचवटी, नाशिक ही जखमी झालेल्यांची नावे आहे.
या अपघातातील मोटर सायकल क्रं MH.15.HU.8740 व दुस-याचा MH.15.DD.6503 हा आहे. या अपघाताची माहिती मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत रुग्णवाहिाक लगेचच अपघात स्थळी पोहोचली. त्यानंतर जखमींना नातेवाईकांने सांगितलेल्या वाडिव-हे येतील खासगी हॉस्पिटलमध्ये दाखल केले.
