इंडिया दर्पण ऑनलाईन डेस्क
कोणत्या प्रसंगी कोणता व्हिडिओ असायला हवा हे खरं तर सोशल मीडियावर सक्रिय असणा-यांना माहित असते. त्यामुळे त्यांचे व्हिडिओ सर्वत्र चर्चेचे ठरतात. आता गेल्या काही दिवसांपासून भारतात भक्तीमय वातावरण आहे. अयोध्यामध्ये राममंदिर प्राण प्रतिष्ठा सोहळा २२ जानेवारीला असल्यामुळे त्याची जोरदार तयारी सुरु आहे. त्यातच आफ्रिकाच्या कायली पॉलने आता ‘राम सिया राम’ गाण्यावर एक व्हिडिओ तयार केला आहे.
या व्हिडिओमध्ये तो राम भक्तीत तल्लीन झालेला दिसतो. नेहमीप्रमाणे या व्हिडिओमध्ये त्याची बहीण नीमा पॉलही त्याच्यासोबत दिसत आहे. हे दोघेही भगवान श्रीरामाच्या या गाण्यावर भक्तीत तल्लीन झालेले दिसतात.
काइली पॉल नेहमीच आपल्या डान्स व्हिडिओंमुळे चर्चेत असतो. तो कधी तो बॉलीवूड गाण्यांवर डान्स करताना दिसतो तर कधी भोजपुरी गाण्यांवर डान्स व्हिडिओ बनवतो. पण, त्याचा हा भक्तीमय व्हिडिओ नवीन व हटके आहे. त्यामुळे तो सर्वत्र व्हायरलही होत आहे.विशेष म्हणजे या व्हिडिओमध्ये हे दोघेही नाचताना दिसत नाही तर आकाशाकडे बोट दाखवत रामाचे स्मरण करत आहे. ही त्यांची नवीन स्टाइलही सर्वांनाच भावते आहे.
