इंडिया दर्पण ऑनलाईन डेस्क
पंजाब, राजस्थान, उत्तर प्रदेश आणि उत्तर राजस्थानमध्ये पुढील दोन दिवस तीव्र थंडीची लाट असेल असा इशारा भारतीय हवामान विभागाने दिला आहे. हिमाचल प्रदेश, मध्य प्रदेश, बिहार, पश्चिम बंगाल, ओडिशा, पश्चिम बंगाल काही भाग आणि झारखंड मध्ये दाट धुके राहील.
पंजाब, हरयाणा-चंदीगड, उत्तर प्रदेश आणि उत्तर राजस्थानच्या बहुतांश भागात किमान तापमान सहा ते नऊ अंशांच्या दरम्यान राहील. पुढील तीन दिवसांत वायव्य आणि पूर्व भारताच्या काही भागात दाट धुके पडण्याची शक्यता हवामान विभागाने वर्तविली आहे.
