नाशिक (इंडिया दर्पण वृत्तसेवा) – नाशिक जिल्हा कॅरम असोसिएशनच्या वतीने आणि जिल्हा क्रीडा अधिकारी कार्यालय आणि विभागीय क्रीडा कार्यालय यांच्या मार्गदर्शनाखाली आणि सहकार्याने मंगळवार २ जानेवारी, २०२४ रोजी ज्युनियर गटाच्या मुले आणि मुलींसाठी कॅरम स्पर्धेचे आयोजन करण्यात आले आहे.
नाशिकच्या विभागीय क्रीडा संकुल, हिरवाडी, पंचवटी, नाशिक येथे या स्पर्धेचे आयोजन करण्यात आले आहे. यामध्ये १२ वर्षेमुले- मुली, १४ वर्षे मुले- मुली, १८ वर्षे मुले- मुली, आणि २१ वर्षे मुले- मुली या चार गटांचा समावेश आहे. या स्पर्धेतील कामगिरीच्या आधारे उत्कृष्ट खेळाडूंची निवड केली जाणार आहे. हे निवड झालेले खेळाडू ७ जानेवारी, २०२४ रोजी दादर,मुंबई येथे आयोजित ५७ व्या महाराष्ट्र राज्य अजिंक्यपद कॅरम स्पर्धेत नाशिक जिल्ह्याचे प्रतिनिधित्व करतील.
ज्या खेळाडूंना या स्पर्धेत सहभाग घ्यायचा आहे अश्या खेळाडूंनी / शाळांनी / संस्थांनी उमेश सेनभक्त मो. क्र. ९८६००००४९३, भूषण भटाटे मो. क्र. ०९९९९६८५८४, अभिषेक मोहिते मो. क्र. ९७६३६०६१८७, यांच्याशी संपर्क करावा. जास्तीत जास्त खेळाडूंनी या स्पर्धेमध्ये सहभागी व्हावे असे आवाहन जिल्हा कॅरम असोसिएशनच्या वतीने करण्यात येत आहे.
