मालेगाव (इंडिया दर्पण वृत्तसेवा)– येथील प्राणी मित्र फाऊंडेशन व गोरक्षकांनी गिगाव फाट्याजवळ गोमांस भरलेली ओमनी कार पकडली. या गाडीत असलेल्या कॅरेटच्या खाली काळ्या ताडपत्री हे गोमास लपविलेले आढळून आले.
याबाबत समजेलली माहिती अशी की, गोमास घेऊन जाणा-या ओमनी कारचा पाठलाग करत कार पकडण्याचा प्रयत्न केला असता वेगाने गाडी पळण्याच्या नादात कार रस्त्याच्या कडेला उतरली.
ही गाडी रस्त्याच्या खाली उतरताच कारची तपासणी केली असता कॅरेटच्या खाली काळ्या ताडपत्री खाली गोमास लपविलेले आढळून आले. मालेगाव तालूका पोलिस घटनास्थळी पोहचत गोमासासह एका संशयित आरोपीला ताब्यात घेण्यात आले.
