इंडिया दर्पण ऑनलाईन डेस्क
मुंबई : डॉक्टर हे रुग्णांसाठी देवदूत असतात, असे म्हटले जाते. कोणताही डॉक्टर हा विश्वासाने रुग्णांकडे जात असतो. परंतु आजच्या काळात काही डॉक्टर हे या व्यवसायाची बदनामी करत आहेत, असे दिसून येते. एका डॉक्टरने असाच प्रकार केला एक तरुणी त्यांच्याशी मोठया विश्वासाने संबंध ठेवले होते, मात्र तिला लग्नाच्या आमिष दाखविले व तिच्यावर लैंगिक अत्याचार केले, या प्रकरणी त्या डॉक्टरला मुंबईत अटक करण्यात आली आहे. या घटनेला सोशल मीडिया कारणीभूत ठरला आहे, कारण आजच्या काळात सोशल मीडिया हे माध्यम समाजोपयोगी होण्यापेक्षा समाज विघातक ठरत असल्याचे दिसून येते. सोशल मीडियाचा वाढता वापर हा सायबर क्राईमसाठी होत असल्याच्या तक्रारी वाढत आहेत. आता हा प्रकार देखील सोशल मिळाल्यामुळेच घडला असून या प्रकरणात सर्वत्र खळबळ उडाली आहे.
या घटनेबाबत मालवणी पोलिसांनी माहिती देतांना सांगितले की, डॉ. योगेश सुनील भानुशाली (३३) हा सोशल मीडियाच्या माध्यमातून तरुणींशी ओळख करुन अगोदर प्रेम व नंतर लग्नाचे आमीष दाखवायचा.नंतर त्यांचे व्हिडिओ फोटो काढून त्यांना ब्लॅकमेल करत होता. इतकेच नाहीतर मुलींकडून तो दागिने काढून घेत होता. असे त्याने तीन चार मुलीबाबत केले. पण, कोणीही भीतीपोटी व बदनामीमुळे तक्रार केली नाही.
पण, एका तरुणीने हिम्मत करुन तक्रार केली. त्यानंतर पोलिसांनी कसून चौकशी करुन संपूर्ण प्रकरण उघडकीस आले. या आरोपीविरोधात तीन अत्याचाराचे गुन्हे दाखल करण्यात आले आहेत. या डॅाक्टराला अटक करण्यात आली आहे.
