वंदना वेदपाठक, इंडिया दर्पण वृत्तसेवा
दिवंगत आणि प्रसिद्ध अभिनेते विक्रम गोखले अभिनित’ ‘सूर लागू दे’ या चित्रपटाचा ट्रेलर नुकताच रिलीज झाला असून प्रेक्षकांमध्ये चित्रपटाबाबत उत्सुकता आहे. सूर लागू दे हा अभिनेते विक्रम गोखले यांचा शेवटचा चित्रपट आहे त्यामुळे सर्वांनाच कुतूहल आहे. ट्रेलर रिलीज झाल्यापासून प्रेक्षकांचा त्याला उत्तम प्रतिसाद मिळताना दिसत आहे.
चित्रपटात अभिनेत्री विक्रम गोखले सोबत ज्येष्ठ अभिनेत्री सुहासिनी मुळे यांनी काम केलं आहे. चित्रपटाच्या निमित्ताने दोघे प्रथमच एकत्र आले आहेत. दोघांच्याही अभिनयाचा परिपक्वपणा व उत्तम केमिस्ट्री या ट्रेलर मध्ये पाहायला मिळते. यातील गाणी ही श्रवणीय आहेत.
या चित्रपटात रीना मधुकर या प्रमुख भूमिकेत आहेत तर मेघना नायडू सुद्धा महत्त्वाच्या भूमिकेत आहे. चित्रपटाचे निर्माते अभिषेक किंग कुमार आणि नितीन उपाध्याय हे आहेत तर अश्विनी पांचाळ यांची प्रस्तुती आहे. तसेच या चित्रपटाचे दिग्दर्शन प्रवीण विजया एकनाथ बिर्जे यांनी केलं आहे. पिकल एंटरटेनमेंट स्टुडिओज प्रस्तुत ‘सूर लागू दे’ सिनेमा १२ जानेवारी २-२४ रोजी संपूर्ण महाराष्ट्रात प्रदर्शित होणार आहे
