नवी दिल्ली (इंडिया दर्पण वृत्तसेवा) – भारत-बांगलादेश सीमेवर मानवी तस्करांवर कारवाई सुरू ठेवत, राष्ट्रीय तपास संस्थेने (NIA) शुक्रवारी त्रिपुरामार्गे भारतात अवैध घुसखोरी करणाऱ्या आणखी चार आरोपींना अटक केली. या वर्षी ऑक्टोबरमध्ये गुवाहाटी येथे NIA ने नोंदवलेल्या मानवी तस्करी प्रकरणाचा तपास सुरु असतांना त्रिपुरा पोलिसांसह ही संयुक्त कारवाईत ही अटक करण्यात आली.
आगरतळा (त्रिपुरा) येथील न्यायालयाकडून आदेश मिळाल्यानंतर आरोपींना NIA च्या आसाममधील गुवाहाटी विशेष न्यायालयासमोर हजर केले जाणार आहे. NIA ने यापूर्वी, 8 नोव्हेंबर 2023 रोजी या प्रकरणात गुंतलेल्या मानवी तस्करी सिंडिकेटवर देशव्यापी छापे टाकल्यानंतर २९ प्रमुख तस्करांना अटक केली होती.
एनआयएच्या तपासानुसार, आज अटक करण्यात आलेले आरोपी भारत-बांगलादेश आंतरराष्ट्रीय सीमेजवळ होते आणि या प्रकरणात यापूर्वी अटक केलेल्या २९ जणांशी त्यांचा संबंध होता. ते ईशान्येकडील त्रिपुरा राज्याच्या अनेक जिल्ह्यांमध्ये सक्रिय असलेल्या सुसंघटित सिंडिकेटशी संबंधित रॅकेटर्सच्या इशार्यावर मानवी तस्करी कारवाया करत होते. सिंडिकेटचे जाळे पुढे भारताच्या इतर भागांत असलेल्या कार्यकर्त्यांशी जोडलेले होते.
तपासात पुढे असे समोर आले आहे की अटक करण्यात आलेले चार आरोपी हे बांगलादेशी वंशाच्या व्यक्तींना भारतात बेकायदेशीरपणे घुसखोरी करण्यासाठी आंतरराष्ट्रीय सीमेपलीकडून कार्यरत असलेल्या तस्करांशी समन्वय साधत होते.
भारत-बांग्लादेश आंतरराष्ट्रीय सीमेवर कार्यरत संघटित मानवी तस्करी सिंडिकेटच्या विश्वसनीय माहितीनंतर NIA ने ६ ऑक्टोबर २०२३ रोजी गुन्हा नोंदवला होता. भारताच्या विविध भागात स्थायिक करण्याच्या उद्देशाने परदेशी मूळची अवैधरित्या तस्करी केली जात आहे.
मानवी तस्करी करणाऱ्या सिंडिकेटचे देशाच्या विविध भागात आणि सीमेपलीकडे कार्यरत असलेल्या इतर सूत्रधार आणि तस्करांशी संबंध असल्याचे आढळून आले. भारत-बांग्लादेश सीमेवरून मानवी तस्करी क्रियाकलापांमध्ये गुंतलेल्या मोठ्या नेटवर्कचा भाग म्हणून हे लिंकेज ओळखले गेले. हे आरोपी सीमेपलीकडून भारतात तस्करी करणाऱ्या व्यक्तींसाठी बनावट भारतीय ओळखपत्रांची व्यवस्था करत होते, असे एनआयएच्या तपासात पुढे आले आहे.
