नाशिक (इंडिया दर्पण वृत्तसेवा) – नाशिक – मुंबई – आग्रा महामार्गावर नवीन कसारा घाट ब्रेक फेल पॉईंट येथे ट्रेलरने दोन गाड्यांना धडक दिली. या अपघातात ट्रेलरचे नुकसान झाले तर पिकअप पलटी झाला. कंटनेरही रोडच्या कडेत घुसून तिरपा झाल्याची माहिती येथील नागरिकांनी दिली. या अपघात ५ जण जखमी झाल्याची माहिती समोर आली आहे.
नाशिकहून मुंबईकडे जाणा-या या तिन्ही वाहनांचा अपघात शुक्रवारी मध्यरात्री झाला. ट्रेलरचे ब्रेक झाल्याने त्याने अगोदर पिकअपला धडक दिली. त्यात पिकअप पलटी झाला. त्यानंतर ही धडक कंटनेरला बसली त्यामुळे कंटनेर रोडसोडून साईडला कलंडला. या अपघातानंतर स्थानिकांनी व पोलिसांनी मदत केली.
या अपघातानंतर जगद्गुरू नरेंद्राचार्य महाराज संस्थानाची अपघातग्रस्तांसाठी कार्यरत असणा-या मोफत रुग्णवाहिकेने तातडीने रुग्णांना इगतपुरी येथील शासकीय दवाखान्यात दाखल केले.
