इंडिया दर्पण ऑनलाईन डेस्क
चैन्नई – डीएमडीकेचे संस्थापक आणि ज्येष्ठ अभिनेते विजयकांत यांच्या अंत्यदर्शनसाठी गेलेल्या प्रसिध्द अभिनेता थलापती विजयवर चप्पल फेकण्यात आल्याची धक्कादायक घटना घडली. अगोदर चाहत्यांनी गराडा घातला नंतर एकाने ही चप्पल फेकली. विजयकांत यांचे पार्थिव काही वेळ अंत्यदर्शनसाठी आयलँड ग्राऊंड अन्ना सलाई येथे ठेवण्यात आले होते. त्यावेळी ही घटना घडली. यावेळी चाहत्यांनी कोणतेही भान न ठेवता त्यांच्याभोवती गराडा घातला. त्यात एकाने चप्पल फेकून मारली.
या घटनेनंतर अनेकांनी संताप व्यक्त केला. विजयच्या या अनादराच्या वागणुकीचा आम्ही चाहते तीव्र निषेध करत आहोत. ते कोणीही असो, त्यांचा आदर केला पाहिजे. चप्पल फेकणे मान्य नाही असेही सोशल मीडियावर पोस्ट केलेल्या एका चाहत्याने म्हटले आहे.
ज्येष्ठ अभिनेते विजयकांत यांचे निधन झाल्यानंतर अनेक नेते व अभिनेत त्यांच्या अंत्यदर्शनासाठी आले. त्यांनी दर्शनही घेतले. पण, थलापती विजय आला व चाहत्यांनी एकच गर्दी केली. या सर्व घटनेमागे इतर काही कारण नाही. केवळ चाहत्यांची हुल्लडबाजी यामुळे ही घटना घडली. अत्यदर्शनाच्या वेळी भान न ठेवल्यामुळे हा प्रकार घडला.
