नाशिक (इंडिया दर्पण वृत्तसेवा) – नाशिक मुंबई- आग्रा महामार्गावर जैन मंदिर जवळ ओमीनी गाडीने मोटर सायकलला धडक दिल्याने झालेल्या अपघातात एक जण गंभीर जखमी झाला आहे. गुरुवारी रात्री ८ वाजता हा अपघात झाला.
या अपघातात रविंद्र रामा डोळस (४२) रा. विल्होळी हे जखमी झाले आहे. या अपघातातील मोटर सायकल क्रंमांक MH.15. GZ.5575.
तर प्रवासी ओमिनी क्रं MH.04.BB.8402 चा हा नंबर आहे. नाशिककडून मुंबईकडे जाणारी प्रवासी ओमिनीने पुढे असलेल्या मोटर सायकलला मागून जोरदार धडक दिल्यामुळे हा अपघात झाला. त्यात मोटर सायकल चालक गंभीर जखमी झाला.
या अपघाताची माहिती मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत रुग्णवाहिका लगेचच अपघात स्थळी पोहोचली. त्यानंतर जखमींना तात्काळ नाशिक सिव्हिल हॉस्पिटलमध्ये दाखल करण्यात आले.
