नाशिक (इंडिया दर्पण वृत्तसेवा) – दहा दिवसापूर्वी वडनेर पाथर्डी रोडवर साई ग्रँड लॉन्स समोर चारचाकी वाहनामध्ये आलेल्या चार जणांनी मोटार सायकलस्वाराकडून उधारीची रक्कम असलेली बॅक लंपास करत कोयत्याने डोक्यात वार करून एकाला जखमी केल्याची घटना होती. या बॅगेतील रोख रक्कम १ लाख ६८ हजार रुपये या चारही जणांनी लंपास केले होते. या आरोपींना उपनगर पोलिसांनी गजाआड केले आहे. या आरोपींकडे चोरी केलेल्या रक्कमेपैकी १ लाख ४० हजार रुपये व गुन्हयात वापरलेली हयुंडई २० कार एम एच १२ जीबी ६७०४ हस्तगत करण्यात आली आहे. याप्रकरणात चंद्रकांत विजय काकडे, वय-२३, रा. काकडे गल्ली, रोकडोबावाडी, नाशिकरोड, नाशिक, शाहबाज शफि शेख, वय-२१, रा. मदिना नगर, रोकडोबावाडी, नाशिकोड, नाशिक, सोनु छबु गवळी, वय-२०, रा. रोकडोबावाडी, देवळाली गाव, नाशिकरोड यांना अटक केली आहे.
या घटनेबाबत सविस्त माहिती अशी की, १८ डिसेबर रोजी रात्री १०:१५ वा. प्रकाश बन्सी मरसाळे हा नेहमी प्रमाणे त्यांचे कंपनीची उधारीची रक्कम गोळा करून मोटार सायकल वरून वडनेर पाथर्डी रोडने विहीतगाव कडे येत असताना साई ग्रँड लॉन्स समोर, वडनेर पाथर्डी रोड याठिकाणी एका पांढ-या चारचाकी वाहनामध्ये चार इसमानी येऊन प्रकाशच्या मोटार सायकलला कट मारून त्याला थांबवले. तसेच चारचाकी वाहनाच्या खाली उतरून प्रकाश याच्याकडून उधारीची रक्कम असलेली बॅक ओढण्याचा प्रयत्न केला. प्रकाशने बॅग देण्यास विरोध गेला असता आरोपीने त्यांच्या कडील कोयत्याने प्रकाशचे डोक्यात वार करून त्याला जखमी केले. सदर बॅगेतील रोख रक्कम १,६८,००० रू. सह बॅग बळजबीने हिसकावून घेतली.
या प्रकरणी उपनगर पोलीस स्टेशन येथे गुन्हा दाखल करण्यात आला होता. या घटनेचे गांभीर्य ओळखून पोलीस आयुक्त संदिप कर्णिक यांच्या मार्गदर्शननानुसार पोलीस उप आयुक्त परिमंडळ-२, मोनिका राउत, सहा. पोलीस आयुक्त नाशिकरोड विभाग आंनदा वाघ यांनी उपनगर पोलीस ठाणे पोलीस पथकास आरोपींचा शोध घेणे बाबत सुचना दिल्या. तसेच उपनगर पोलीस ठाणेचे गुन्हे शोध पथकास रवाना केले. उपनगर पोलीस ठाण्याचे वरिष्ठ पोलीस निरीक्षक विजय पगारे व पोलीस निरीक्षक / गुन्हे बाबासाहेब दुकले यांच्या मार्गदर्शनानुसार दोन पथकांनी तपास सुरु केला..
सदर गुन्हे शोध पथकाचे गुप्त बातमीदार यांच्या मदतीने रोकडोबावाडी परीसरातील दोन संशयित इसम फरार असल्याची माहिती मिळवली. सदर बाबत गुन्हे शोध पथकाचे अधिकारी व अंमलदार यांनी सीसीटीव्ही फुटेज व इतर तांत्रिक माहितीच्या आधारे तेच आरोपी असल्याची खात्री झाल्याने आरोपींचा तांत्रिक माहितीच्या आधारे शोध घेवून त्यांना शिताफिने पकडले.
