इंडिया दर्पण ऑनलाईन डेस्क
भारतीय राष्ट्रीय काँग्रेस पक्षाचा १३८ वर्धापनदिनाचं औचित्य साधून काँग्रेस पक्षाच्या लोकसभा निवडणूकीच्या प्रचाराचा प्रारंभ केला आहे. त्यासाठी नागपूरमध्ये भव्य सभेचे आयोजन करण्यात आले आहे. या निमित्ताने आज है तैयार हम या मेळाव्याचे आयोजन करण्यात आले असून या सभेला काँग्रेस नेते राहुल गांधी, पक्षाध्यक्ष मल्लिकार्जुन खरगे यांच्यासह प्रमुख नेते उपस्थितीत आहे. ही सभा लाईव्ह बघा.
है तैय्यार हम हे असे ब्रीदवाक्य या सभेसाठी ठेवले आहे. काँग्रेस अध्यक्ष मल्लिकार्जुन खरगे, राहूल गांधी या मेळाव्याला संबोधित करणार आहेत. या रॅलीला देशभरातून १० लाखांपेक्षा अधिक जण उपस्थित असल्याचे काँग्रेसचे सरचिटणीस केसी वेणूगोपाल यांनी सांगितले.
या सभेअगोदर दिल्ली येथे अखिल भारतीय काँग्रेस कार्यकारिणीच्या नवी दिल्लीतल्या मुख्यालयात पक्षाध्यक्ष मल्लिकार्जुन खरगे यांच्या हस्ते ध्वजवंदनेचा कार्यक्रम झाला. माजी अध्यक्ष सोनिया गांधी, राहुल गांधी यांच्यासह अनेक ज्येष्ठ नेते यावेळी उपस्थित होते.
