नाशिक (इंडिया दर्पण वृत्तसेवा)- नाशिक पश्चिम विधानसभा मतदारसंघाच्या आमदार सीमाताई हिरे यांच्या माध्यमातून नाशिक शहरात राहणाऱ्या खान्देश वासियांसाठी खान्देश महोत्सव भरविण्यात येतो. यंदाच्या खान्देश महोत्सवात आयोजित होम मिनिस्टर स्पर्धेत मंत्री छगन भुजबळ यांचे स्वीय सहायक अशोक गालफाडे यांची कन्या स्नेहा गालफाडे हजारे या स्पर्धेच्या मानकरी ठरल्या आहे.
भाजप महिला आघाडीच्या प्रदेशाध्यक्षा चित्राताई वाघ यांच्या हस्ते स्नेहा हजारे यांना पैठणीसाठी आणि मोत्याचा हार देऊन त्यांचा गौरव करण्यात आला. यावेळी आमदार सीमा हिरे, रोहिणी नायडू, रश्मी हिरे-बेंडाळे यांच्यासह मान्यवर उपस्थित होते. नाशिक शहरातील ठक्कर डोम येथे आयोजित करण्यात आलेल्या खान्देश महोत्सवात विविध स्पर्धांचे आयोजन करण्यात आले होते.
या स्पर्धेत स्नेहा गालफाडे हजारे यांनी सहभाग नोंदिवला. विशेषतः या महोत्सवाचे आकर्षण असलेल्या होम मिनिस्टर स्पर्धेत सहभाग घेऊन त्यांनी या स्पर्धेचे विजेतेपद पटकविले. त्यांच्या या यशाबद्दल त्यांचे कौतुक होत आहे. या स्पर्धेत विजयाबद्दल त्यांना पैठणीसाठी आणि मोत्याचा हार देऊन त्यांचा गौरव करण्यात आला. यावेळी कुटुंबातील सदस्य उपस्थित होते.
