इंडिया दर्पण ऑनलाईन डेस्क
बॅालिवूड अभिनेता रणबीर कपूर याच्या अॅनिमल चित्रपटाने सर्वत्र धूम केल्यानंतर कपूर कुटुंबियात आनंदाचे वातावरण असतांना दुसरीकडे एका पार्टीवरुन त्यांच्या अडचणी वाढल्या आहे. दोन दिवसापूर्वी ख्रिसमसची कुटुंबिायासोबत केलेली पार्टी आता रणबीरला महागात पडणार आहे. कपूर कुटुंबाच्या ख्रिसमस पार्टीत रणबीर कपूर याने केकवर दारु टाकून जय माता दी म्हटले होते. असे म्हणणे त्याला अडचणीचे ठरले आहे.
या पार्टीचा व्हिडिओ सर्वत्र व्हायरल झाल्यानंतर त्यावर अनेकांनी संताप व्यक्त केला. त्यानंतर आता त्यावर पोलिस स्थानकात तक्रार दाखल झाली आहे. घाटकोपर पोलिस स्थानकात मुंबई उच्च न्यायालयाचे वकील आशिष राय, पंकज मिश्रा यांच्यामार्फत सनातन धर्माचे उपदेशक संजय दिनानाथ तिवारी यांनी रणबीर कपूर व कुटुंबिया विरोधात तक्रार दाखल केली आहे. त्यात हिंदु धर्माचा अपमान केल्याचे म्हटले आहे.
या तक्रारीवरुन कलम २९५ (ए) २९८, ५०० आणि ३४ अंतर्गत गुन्हा दाखल करण्यात आला आहे. खंर तर पार्टी करण्यावर कोणताही आक्षेप नाही. पण, केकवर दारु टाकून जय माता दी म्हणणे यावर आक्षेप घेण्यात आला आहे. त्यामुळेच रणबीरच्या अडचणी वाढल्या आहे. एखादी पार्टी करतांना काय काळजी घ्यावी हे सहसा सेलिब्रीटी विसरतात व त्यातून त्यांच्या अडचणी वाढतात.
