मुंबई (इंडिया दर्पण वृत्तसेवा) – भारतातील सर्वात मोठी टेलिकॉम कंपनी जिओचे अध्यक्ष आकाश अंबानी यांनी सांगितले की, त्यांची कंपनी आणि आयआयटी बॉम्बे ‘भारत जीपीटी’ तयार करण्यासाठी एकत्र काम करत आहेत. याशिवाय जिओ टीव्हीसाठी नवीन ऑपरेटिंग सिस्टमवरही काम करत आहे. मुंबईत आयोजित आयआयटी बॉम्बेच्या वार्षिक टेकफेस्टमध्ये आकाश अंबानी यांनी या गोष्टी सांगितल्या.
आगामी काळात जिओ देशासाठी आर्टिफिशियल इंटेलिजन्स प्लॅटफॉर्म तयार करण्यासाठी काम करत आहे आणि मीडिया, कम्युनिकेशन आणि नवीन उपकरणांवरही काम करत आहे.आकाश अंबानी म्हणाले की, आगामी काळात भारत जगातील एक प्रमुख ‘इनोव्हेशन सेंटर’ म्हणून उदयास येऊ शकतो. आकाश अंबानी म्हणाले की, येत्या काही वर्षांत भारत जगाला सर्वोत्तम सेवा आणि सर्वोत्तम उत्पादने पुरवण्याचे केंद्र म्हणून उदयास येऊ शकतो.
जिओचे अध्यक्ष आकाश अंबानी म्हणाले की, भारत येत्या दशकात ५ ते ६ ट्रिलियन अर्थव्यवस्था बनण्याच्या दिशेने वाटचाल करत आहे.
आकाश अंबानीने असेही सांगितले की २०२४ हे वर्ष त्यांच्या कुटुंबासाठी खास असेल कारण येत्या वर्षात त्यांचा लहान भाऊ अनंतचे लग्न होणार आहे.
