नाशिक (इंडिया दर्पण वृत्तेसवा) – सप्तशृंगी गडावरील फनिक्युलर ट्रॉलीमध्ये वारंवार बिघाड होत असल्यामुळे भाविकांना अडचणीचा सामना करावा लागत आहे. रविवारपासून फनिक्युलर ट्रॉलीमध्ये सातत्यानं बिघाड होत असल्याच्या तक्रारी समोर आल्या आहे.
फनिक्युलर ट्रॉलीच्या मोटरमध्ये बिघाड झाल्याने खोळंबा होत असल्याची माहिती समोर आली आहे. अधून मधून फनिक्युलर ट्रॉलीमध्ये बिघाड होत असल्यानं देवीच्या दर्शनासाठी येणाऱ्या भाविकांना कधी कधी दर्शनसाठी ताटकळत उभे रहावे लागते. झटपट गडावर देवीच्या दर्शनासाठी घेऊन जाणारी ही ट्रॅाली भाविकांच्या पसंतीची आहे. पण, असे बिघाड होत राहिले तर त्यातून संताप होईल याची काळजी घेणे तितकेच गरजेचे आहे.
सलग सुट्ट्या आणि नववर्षाच्या पार्श्वभूमीवर गडावर देवीच्या दर्शनासाठी भाविकांची रीघ आहे. त्यातच हा बिघाडाची माहिती समोर आली. आता ही ट्रॅाली सुरु असली त्यात बिघाड होणार नाही याची काळजी घेणे तितकेच गरजेचे आहे.
