इंडिाय दर्पण ऑनलाईन डेस्क
अ‍ॅनिमल चित्रपटातील बॉबी देओलच्या एन्ट्रीचं ‘जमाल जमालो कुडू’ हे गाणं सध्या सर्वत्र लोकप्रिय ठरले आहे. याच गाण्यावर अनेकांनी रिल तयार केले आहे. पण, एका आजी आजोबाला सुध्दा या गाण्याने भूरळ घातली असून त्यांनी सुद्दा या गाण्यावर भन्नाट डान्स केला आहे. याअगोदर मराठी कलाविश्वातील लोकप्रिय जोडी अविनाश व ऐश्वर्या नारकरांनी जबरदस्त डान्स केला होता. त्यानंतर या आजी आजोबांचा डान्स चांगलाच व्हायरल होत आहे.
रणबीर कपूरची प्रमुख भूमिका असलेल्या ‘अ‍ॅनिमल’ चित्रपटाने कोट्यवधींचा आकडा केव्हाच पार केला. या चित्रपटांची मोठी चर्चा झाली. पण, या चित्रपटातील जमाल जमालो कडू हे गाणे मात्र सर्वाधिक लोकप्रिय ठरले. अ‍ॅनिमलचे दिग्दर्शन कबीर सिंगफेम संदीप रेड्डी वांगाने केले आहे. या चित्रपटातील बरीच गाणी सध्या सोशल मीडियावर व्हायरल होत असली तरी जमाल जमालो कडूने मात्र विक्रमच केला आहे.
विशेष म्हणजे या आजी आजोबांचा हा डान्स तरुणपिढीला लाजवेल असाच आहे. बॉबी देओलचं हे एन्ट्री गाणं आहे. या गाण्यावर हा आजी आजोबांचा रिल तयार करण्यात आला असून त्यात मुलगा नातू या डान्सवर देत असलेली प्रतिक्रिया सुध्दा मजेशीर आहे. तर बघा हा डान्स..
