इंडिया दर्पण ऑनलाईन डेस्क
अयोध्येत राम मंदिर अभिषेक सोहळ्याची तयारी जोरात सुरू झाली आहे. दरम्यान, झारखंडच्या हजारीबागमध्ये बनवलेला ध्वजाची चांगलीच चर्चा आहे. नवल किशोर खंडेलवाल यांनी त्यासाठी पुढाकार घेतला. हा ध्वज ४० फूट उंच आणि ४२ फूट रुंद आहे. हा ध्वज बनवण्यासाठी ११५ मीटर कापडाचा वापर करण्यात आला आहे.
ध्वजावर दोन पुतळे बनवण्यात आले आहेत. येथे बजरंगबलीची सहा फूट उंचीची मूर्ती आहे. तर दुसरी मूर्ती फक्त चार फूट उंच आहे. त्यात भगवान श्री राम, लक्ष्मण आणि बजरंगबली चित्रित आहेत. ध्वजाची आकर्षक सजावट करण्यात आली आहे. हा ध्वज बसवण्यासाठी शंभर फुटांपेक्षा जास्त उंचीचा बांबू लागणार असल्याचे सांगण्यात येत आहे. नवल किशोर स्वतः ध्वज घेऊन अयोध्येला जाणार आहेत. नवल किशोर खंडेलवाल सांगतात, की जेव्हा कारसेवक बाबरी मशीद पाडण्यासाठी निघाले होते, तेव्हा वाटेत त्यांना अटक करण्यात आली. तीन महिने हजारीबाग मध्यवर्ती कारागृहात ठेवण्यात आले होते. आता राम मंदिराचा पावन होणार असल्याने त्यांच्या आनंदाला सीमा नाही. ज्या स्वप्नासाठी लोकांनी संघर्ष केला, ते स्वप्न आज पूर्ण होणार आहे, असे ते म्हणतात.
हा ध्वज हजारीबागच्या बडी बाजारातील वीर वस्त्रालयात बनवला जात आहे. वीर वस्त्रालय गेली ५० वर्षे ध्वजनिर्मितीचा व्यवसाय करत आहे. लोकांच्या तीन पिढ्या यात गुंतल्या आहेत. या ध्वजाचे वैशिष्ट्य म्हणजे तो गुलाम जिलानी बनवत आहे. त्यांनी बनवलेल्या ध्वजाची अयोध्येत प्रतिष्ठापना होणार आहे याचाही त्यांना आनंद आहे. गुलाम जिलानी गेल्या तीन पिढ्यांपासून हनुमान ध्वज बनवत आहेत. अयोध्येत जेव्हा हा ध्वज फडकवला जाईल, तेव्हा हजारीबागच्या रामभक्तांची मने फुलतील, असे ते म्हणतात.
