इंडिया दर्पण ऑनलाईन डेस्क
मुंबईत एखादी वस्तू हरवली तर ती पुन्हा भेटणे तसे अवघड असते. इतक्या मोठ्या शहरात त्याचा शोध घेणे शक्य नाही. पण, मुंबईतील समता नगर पोलिसांनी एका महिलेची बॅग अवघ्या सव्वा तासात मिळून दिली. या त्यांच्या कामगिरीबद्दल या महिलेचा भाऊ पुलकित जी. सिंग बिश्त यांनी थेट पोलिसांचे सोशल मीडियावर पोस्ट टाकत आभार मानले.
या पोस्टमध्ये त्यांनी म्हटले मला समता नगर पोलिसांचे खूप खूप आभार मानायचे आहेत @मुंबई पोलीस…आज माझ्या बहिणीला मदत केल्याबद्दल. ती तिच्या बाळासह ऑटोमध्ये होती तेव्हा चुकून तिची बॅग त्यात सोडली. बॅगेत सोन्याचे दागिने, रोख रक्कम आणि तिचा फोन होता.
समता नगर येथील पोलीस अप्रतिम! तिने त्यांना दुपारी १ च्या सुमारास हरवलेल्या पिशवीबद्दल सांगितले आणि त्यांनी खरोखरच वेगाने कृती केली. दुपारी १.४५ पर्यंत, त्यांना ऑटोचा नंबर सापडला आणि २.२० पर्यंत, त्यांनी आधीच ऑटो शोधला आणि बॅग परत मिळवली. त्यांच्या त्वरित मदतीबद्दल मी खूप आभारी आहे. पोलिस लोकांना मदत करण्यासाठी समर्पित होते आणि त्यांनी समस्या इतक्या लवकर सोडवली!
वरिष्ठ पीआय प्रवीण राणे, एपीआय अमोल भगत, एपीआय संदिपन उबाळे, हवालदार विकास सावंत, कॉन्स्टेबल बबन राठोड आणि योगेश साबळे यांचे त्यांनी केलेल्या परिश्रमाबद्दल मी विशेष आभार मानू इच्छितो. धन्यवाद, मुंबई पोलीस, नेहमी आमच्यासाठी उपस्थित राहिल्याबद्दल!
खरं तर इतक्या मोठ्या शहरात हरवलेली वस्तू शोधणे तसे अवघड पण, पोलिसांनी ते केले. त्यामुळे त्यांचे आभारही तसेच मानले गेले.
