जालना (इंडिया दर्पण वृत्तसेवा)- मराठा आंदोलक मनोज जरांगे पाटील गेल्या काही दिवसांपासून प्रचंड चर्चेत आहेत. त्यांच्या सभामधून होणारी गर्दी लक्षवेधी ठरली. तर त्यांचे साधे सोपे भाषण थेट प्रहार करुन लागले. बोचरी टीका व नेमके मुद्दे मांडत असल्यामुळे त्यांच्या सभांनी गर्दींचे उच्चांक मोडले आहे. त्यांच्या सभामधील फटकेबाजी जशी चर्चेत असते तशीच चर्चा त्यांच्या क्रिकेटच्या मैदानावरची सुरु झाली आहे. त्यांचा क्रिकेंट खेळतांनाचा एक व्हिडिओ सध्या चांगलाचा व्हायरल झाला आहे.
ते या क्रिकेटच्या मैदानावर फटकेबाजी करताना दिसत आहे. आंतरवाली सराटीमधील ज्या मैदानावर १४ ऑक्टोबरला जरांगे यांची ऐतिहासिक सभा झाली, त्याच मैदानावर क्रिकेट खेळण्याचा त्यांनी आनंद लुटल्याचा हा व्हिडिओ आहे. यात ते बॅटींग करतांना फटकेबाजी करतांना दिसत आहे. बँटीग झाल्यानंतर ते बॅालींगही जोरदार करत आहे. त्यामुळे त्यांचा हा व्हिडिओही सर्वांच्या पसंतीला पडला आहे.
जरांगे सकाळी फिरण्यासाठी निघाले होते. त्यावेळेस त्यांना काही तरुण क्रिकेट खेळत असल्याचे दिसले. मग, जरांगे यांना क्रिकेट खेळण्याचा मोह आवरला नाही. त्यांनी थेट बॅट हातात घेतली व चौकार, षटकार मारत क्रिकेटचे मैदानही गाजवले.
