नाशिक (इंडिया दर्पण वृत्तसेवा) – नाशिक मुंबई- आग्रा महामार्गावर गोंदे फाट्याजवळ अज्ञात वाहनाच्या धडकेने एक जण गंभीर जखमी झाला आहे. शनिवारी रात्री १० वाजता हा अपघात झाला.
मुंबईकडून नाशिककडे जाणा-या एका अज्ञात वाहनाने रोड क्रासिंग करत असतांना हा अपघात झाला. या अपघातात राहुल प्रदिप साबळे (२८) रा. मुकणे ता. इगतपुरी हा जखमी झाला आहे. त्याच्या डोक्यास गंभीर मार लागला.
या अपघाताची माहिती मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत रुग्णवाहिका लगेचच अपघात स्थळी पोहोचली. त्यानंतर त्या जखमीला तात्काळ घोटी ग्रामीन रूग्णालयातमध्ये दाखल करण्यात आले.
